Блогот на Јован :: ^blogzen

Добар пример како може да се продаде легален и евтин производ се новите изданија на познати македонски автори и странски ДВД филмови вон вообичаената диск+весник техника по цена од 100 - 250 денари. Се наредија прилично, а уште повеќе следат. Мразот го скршија изданијата на српскиот Сити Рекордс, а традиционално конзервативните претприемачи во МК пуштија нога…

Само по себе, ова е супер за сите (освен пиратите). Но има барем две „дупки“ во овој ем-легален-ем-евтин производ. Прво, потребни се масовни тиражи за да се постигне соодветна цена и барем маалечок профит (барем неколку десетици илјади). Ова значи дека ем треба да имаш 50000 евра за да испечатиш толкав тираж ем треба да бидеш сигурен дека повеќето ќе се продадат. Тоа значи дека овој систем е ОК само за авторите и изведувачите од т.н. „А-листа“. Условно речено помалите тешко ќе можат да спојат оваква финансиска конструкција. Но има решение и за нив - на сајт нека ги објавуваат своите МP3-ки и нека наплаќаат од концерти и „гигови“ се додека не станат доволно големи за да издржат тираж со оваква цена. Ем ќе имаме побогат интернет простор, ем ќе бидат сите посреќни.

Вториот проблем е - како до легални нови странски наслови? Секако дека тантиемите за овој тип на производи е превисок, пазарот е мал, па увозот е единствено можно решение. Сепак останува големата разлика на цената (во рангот на 1000-1500 денари) во однос на пиратските производи. Повторно, интернетот е решение и за ова. Верувам дека некој локален легален бизнис на купување на музика преку интернет би можел да понуди добар извор на релативно евтина комерцијална странска музика. Но ова е „еден чекор премногу“ за сегашнава ситуација… 

While we live according to race, colour or creed
While we rule by blind madness and pure greed
Our lives dictated by tradition, superstition, false religion
Through the eons, and on and on

Queen / Innuendo

BBC Radio 3 започна со бесплатно објавување на аудио-материјали - и како почетен експеримент - се работи за делата на Бетовен:

Втората врска посетувајте ја почесто бидејќи се очекува дека во наредниот период ќе има и посеопфатен избор.

Дали сте размислувале што е разликата помеѓу слободната креација и онаа ограничена со класични правила создадени од големите лоби-групи? Приказната за слободниот софтвер датира од пред дваесет години, кога Ричард Сталман го објави ГНУ Манифестот. Две децении подоцна, недвојбено е, имаме побогат и поинтересен свет благодарение на слободниот софтвер – од Апачи па до Фајрфокс.

Професорот Лоренс Лесиг (од Универзитетот Стенфорд, САД) фасциниран од идејата на слободниот софтвер се обидел метафизички да ја пренесе врз поширок опсег на примена – вон компјутерските програми. Класичниот закон за авторски права и можноста за негова злоупотреба од големите корпорации е надминат со група на лиценци достапни за авторите - наречени „Криејтив комонс“. Во слободен превод изразот би значел креативност чиј производ се пренесува во делумна или целосна сопственост на заедницата под услови дефинирани од авторот. Лиценците според Криејтив комонс се локализирани во повеќе земји (наскоро ќе бидат достапни на авторите и во нашата земја).

(повеќе…)