Блогот на Јован :: ^blogzen

Dans un communiqué de presse de France Télécom, nous apprenons que l’opérateur historique a lancé une expérience pilote en matière de fibre optique (Fiber To The Home). Cette expérience est conduite dans certains arrondissements parisiens, ainsi que dans cinq villes des Hauts de Seine. Le raccordement concerne une centaine de clients, et utilise la technologie GPON, c’est à dire sans aucun équipement actif - comme un routeur par exemple. Selon France Télécom, cette technologie permettrait des débits de l’ordre de 2,5 Gbits/s en flux descendant pour 1,2 Gbits/s en flux montant, soit respectivement 400 Mo/s et 150 Mo/s environ. L’expérience pilote coûte 70€ par mois, et est proposée, comme il est de bon ton désormais, avec la téléphonie illimitée, ainsi que la télévision numérique. Link

Или во превод - Франс Телеком за 70 евра месечно нуди оптика до дома, брзина 2.5 ГИГАБита во секунда, бесплатни телефонски разговори и пакет на дигитална ТВ (како кабелска).

Ми текнува на неколку графички станици во ЕТФ (дел HPUX/Motif, дел Sun) преку кои можеше со помош на NCSA Mosaic (а потоа и Netscape) да се пристапи до интернетот. Но и да се немаше среќа, тука беа Digital и IBM текстуалните терминали со соодветна верзија на Unix, кои доаѓаа освен со фамозниот едитор vi, и со текстуалниот веб прегледувач lynx (на кој сеуште му наоѓам примена). Најинтересен ми беше Amazon кој и во тоа време имаше обилна колекција на книги. Hotmail не беше дел од Мајкрософт. Еве еден сајт кој прикажува неколку типични сајтови од тоа време. Исто така се сеќавам дека во тој период присуствував на одбрана на дипломска со наслов „HTML веб технологија“ - со директно јавување на провајдер во Словенија.

Но интернетот во Македонија беше достапен и пред протоколот за пренос на хипертекст. Телнет, FTP, е-пошта, Гофер (претходникот на http) - сето тоа функционираше преку пакетната X.25 мрежа достапна во повеќе државни институции и преку дајл-ап со една единствена линија и брзина од 1200 bps - 500 до 1000 пати поспоро од денес (преку во универзитетската библиотека - НУБСК). Освен тоа имаше и неколку постари Битнет сервиси помеѓу кои и текстуалниот Битнет рилеј чет. Но за тоа многу повеќе на следниов линк.

Отсекогаш сум им се воодушевувал кои имаат потреба и желба од идоли и лидери. Не дека на моменти не сум влегувал во такви „сценарија“. Она што секогаш е точно е:

• секогаш го идеализираш својот идол
• никогаш не се поклопуваат твојата и неговата идеологија. Впрочем вообичаено тој/таа и нема некоја напредна идеологија освен прибирање на пари или слава, на што сесрдно им помага природната харизма
• идолот секогаш се интерпретира од субјективен апсект, апроксимацијата создава погрешни верувања потхранети од волјата за следење и непризнавање дека сте ја избрале погрешната опција (во овој случај - идол)
• идолот, како и повеќето луѓе, со време ги менува ставовите. Забавно ми е кога следбениците групно си газат врз својот интегритет и постапуваат спротивно од своите убедувања. Не заради тоа што некој успешно ги разубедил, туку едноставно заради тоа што идолот така рекол. А тоа нели, мора да е точно. Дури и да нема наведена причина, ќе се склопи некоја прикладна конспиративна приказна за да се поткрепи одлуката.
• Особено на овие простори идолопоклонството е скоро обврзувачко. Секој мора да има свој лидер, кој ќе го просветли, ќе му го спаси животот, ќе владее транспониран како полубожествено битие
• Никој нема да признае дека идолот тропа глупости. Не дај боже!

Секако дека определено ниво на организација и нивоа на апстракција - идеологија, хиреархија и тимска работа се неопходни, но не по цена на апсолутизам. Во државни органи, во фирми, институции и медиуми. (Не зборувам само за политички идоли).

Чекор напред е да признае човек дека идолот правел грешки што е проследено изневереност и заклучок дека идолот не мисли на него (т.н. „себичност“ - мое прашање - а зошто воопшто би мислел на луѓе кои воопшто не ни ги знае?). По завршувањето на оваа фаза преоѓаме рехабилитација од потребата да се следи. Проблем со овој процес е честиот неуспех што резултира во започнување на следење на новоизбран идол, кој „мора да е чесен, многу е подобар од претходниот“. И така во недоглед.

Секој си плови сам. Точно е - го имаме семејството, бизнисот, државата да се погрижат и социјализираат, но идолите на никого не му донеле добро. Концептот на модели е сосема друг и се базира на учење на добрите лекции, т.н. кејс стадија. Јас на пример сум еден од оние кои му се воодушевуваат на Черчил и неговите „крв, пот и работа“. Но никогаш не би можел да признаам дека се работело за најпаметниот политичар, можеби еден од поискрените - што секако е доблест.

Нека те следат добри ветришта морнару и следи ги ѕвездите. Тие никогаш никого не излажале…

Видео (3:30)

МТНет ги сменил главните ДНС сервери уште пред некое време, а старите му се веќе неажурирани. Има еден куп компјутери во МК кои рачно се подесени на старите сервери, што значи дека со време се повеќе сајтови ќе бидат недостапни.
Заради тоа променете ги ДНС серверите во Вашите рутери и компјутери.

primary   DNS address 62.162.32.5
secondary DNS address 62.162.32.6

За жал МТНет не се потруди ова да биде потранспарентно.

Човек на моменти мора да се изолира од околината, особено ако предолго време се повторуваат истите работи со нашево општество. Деновиве открив еден нов начин да се изолирам од бескорисниот шум. И тоа не е ниту читање на книги, ниту слушање музика. Освен редовните долги прошетки, верувале или не, тоа за мене е програмирањето. Од ќеиф.

Движејќи се низ долгите листинзи со код, решавајќи безброј логички задачи, откривајќи грешки открив дека не само што не ми е досадно, туку на еден посебен и помалку мазохистички начин уживам во тоа.

Место кај што се има логика, место кај што секој проблем се решава, и најбитно - место кај што секој на секому е спремен да му помогне. Не за џабе рекле, многу е полесно да комуницираш и раководиш машини отколку луѓе.

А (позитивната) осаменост од општествениот шум носи фокус. А фокусот е она што хронично ми/ни недостасува.

Пронајдете си го своето „програмирање“.

Мојата кратка листа на медиуми кои (вообичаено) не ме нервираат премногу:

• Утрински Весник
• Капитал
• Форум
• Канал 5
• Антена 5

Од странските медиуми релативно често ги гледам/читам:

• CNNi (особено Larry King)
• BBC News
• Discovery Ch. (сите)
• National Geographic Ch.
• Nova (хрватска)
• HTV
• BUG (вклучувајќи и Мрежа)
• Deutsche Welle TV
• Сите сервиси на македонски (Глас на Америка, БиБиСи, Дојче Веле, Радио Слободна Европа)
• National Geographic Magazine

Мојата анти-листа се состои од еден единствен човек. Се друго можам да сварам освен Латас и се што има врска со него.

Во иднина листава ќе ја систематизирам малку подобро (по тип и слично) и сигурно ќе биде поголема. Целта на овие постови е со време да создадам комплетен профил кој ќе биде достапен преку посебна страница на блогот.