Блогот на Јован :: ^blogzen

Следат неколку мапи кои графички (со зголемување на пропорцијата на даден регион) ги објаснуваат трендовите. Прво да ја погледнеме мапата на земји кои примаат најголем број на имигранти:

Следи мапа со проекција на популацијата во 2300 година:

Според ОН, врвот на бројот на жители ќе се достигне во периодот помеѓу 2050 и 2300 година. Проектираната граница е 9 милијарди. Потоа се очекува благ пад. Единствена регионална разлика е благиот пад во „старите територии“ и константен раст во Африка како резултат на подобрувањето на квалитетот на животот вклучувајќи ја и медицинската поддршка. Интересен цитат покрај овој слајд, кој може да се примени како контра-аргумент во локалните етно-дебати на слична тема:

“… if fertility levels remain unchanged at today’s levels, world population would rise to 244 billion persons in 2150 and 134 trillion in 2300, clearly indicating that current levels of high fertility cannot continue indefinitely.” Population Coalition, 2005
Најинтересната мапа (и поентата на овој текст) ја оставив за последна:

Во што е лидер Европа? Во туризам! 10% од светската популација оди на одмори во странство. 46% од нив одат во Европа. Ова оди во прилог на дебатата за ПиАр кампањата на СиЕнЕн и прашањето дали имаме квалитетна програма за странските туристи. Јасно е дека Македонија не може да се пофали со Версај и Лувр, но постојат одлични niche пазари како рурален туризам, екстремни спортови, планинари, скијачи, постари луѓе кои организираат „шетачки“ тури низ планини, семинарски туризам, Оф роуд, па дури и секс туризам. Но еве неколку пречки на патот до вечната среќа:

• Реал-соц хотелиерство
• Апсолутно никаква понуда за додатни услуги (од огромен избор на ТВ канали, преку вај-фај интернет, сауна, параглајдинг сервис до интересни места за ноќна забава вон сезона)
• Убиствено лоши авионски понуди и слаба „конективност“ (Додека ние сме спремни да платиме 300-600 ЕУР да завршиме работа, во ЕУ има голем број на туристи кои не се спремни да летаат за повеќе од 100-тина ЕУР). За жал ниту Охрид ниту Скопје не се на нивната мапа.
• Нехигиена и општа некултура
• Синдром „наплати повеќе на странците“ до пред некое време крунисан со паралелни ценовници на патарините.
• Ужасен јавен транспорт (основно средство за превоз за бекпекери). Цитирам „мислев дека ќе загинеме кај Кичево“…
• Нудистичка плажа/и? Или барем места каде што сосем нормалната топлес практика нема да предизвика инфантилно однесување на машката популација
• Недостаток на разбирливи знаци (види Скопска железничка станица, 100% кирилица + нејасно озвучување кое работи на англиски само за интернационални возови).
• Културното наследство не е спакувано во готов производ. (Одете кај Трамп ако треба)
• Најскапи хостели во Европа (стандард е 10 - 12 ЕУР / ноќевање). Непостоење на функционален хостел надвор од Скопје.
• Најскапи хотели во регионов според понудените услуги.
• Руралниот туризам функционира претежно декларативно (систем празни соби, 1 канал, 5 комарци, супа и ладен помфрит, и кисела насмевка).
• Стрип-тиз клубови?
• Со алкохол стоиме одлично, но криминализацијата на лесните дроги, проституцијата, PDA може да биде голем проблем во привлекувањето на младите (да бидеме искрени сега). Најдобар пример се грчките острови, каде полицијата доаѓа само на повик. Да не зборувам за Амстердам. Или Дубровник каде и во 80-тите најголем дел од полицијата беше од женски род, прилично симпатични и облечени вон милцајските стандарди (кратки ракави, мини сукњи, се во прикладна сина боја). Нивната главна цел беше да ве информираат ако сте се загубиле, да Ве замолат да успорите ако возите пребрзо и да Ви се заблагодарат со насмевка… Нешто слично како сексистичкото толкување на професијата стјуардеса во 50-тите и 60-тите години од минатиот век.
• Сигурност. Она што навистина недостасува како чувство. Вооружени лавови со реденици и АК-47 не се правилниот рецепт за овој „филинг“.
• Практично непостоечка индустрија на сувенири.
• Визи и формулари… Какви визи, какви формулари!?
• Ред за т.н. дезинфекција на аеродром (се вклучува по потреба).
• Мапи на градовите? Најава на станиците во градскиот превоз? Полицајци, таксисти и шофери кои разбираат англиски?

За сето ова е потребно многу повеќе од една донација… Треба да проработи малку мозочето и рачето, да биде полно џепчето. (Да бидам демунитивен).

Мапите се позајмени од Worldmapper.

Say no more, say no more!_{(c) Monty Python}

Линк

Светскиот економски форум вчера ги објави новите ранг-листи за нивниот „Network readiness index”. Интересно за оваа година е што повторно САД се наоѓа на првото место, за разлика од минатите кога доминираа азиските и нордиските земји. Рангирањето е дел од студијата „Global Information Technology Report 2005-2006“. (Executive Summary - PDF)

Years ago, I traveled through Germany with a group from my high school. One sultry day, we opened the windows of the train we were riding in to allow some air to circulate. Immediately, people from all corners of the train started complaining “es zieht,” then got up and began closing the windows and letting us know how displeased they were with our actions.

SPIEGEL

Проблемот е тоа што летниот период во Германија е многу поблаг од нашиот…

Ова да го поврземе со хумористичниот текст „Знаеш дека си македонец кога…“:

- Your mother insists that ‘promaja’ will kill you.

И секако да не го заборавиме фамозното интервју со Керол Чо во Форум:

Еднаш им предавав англиски на моите слушатели за време на еден навистина жежок летен ден. Училницата се претвори во сауна, па ги отворив прозорецот и вратата за да создадам малку провев за, колку-толку, да се разладиме. Изразите на вчудовиденост и болка на лицата на моите слушатели беа речиси неверојатни. Еден од нив МЕ ЗАМОЛИ ВЕДНАШ да ја затворам вратата, бидејќи во просторијата има промаја, а притоа со рака покажа на болката во грбот со таква гримаса на лицето што мислев дека тука ќе ми умре! Толку се изнервирав, бидејќи и мене, како и ним, ми се слеваа потоци пот низ лицето - па, сепак, заради промајата сега треба да ја затворам вратата!

Во вчерашното Неделно Време оди текст поврзан со ИКТ во МК. Ја имав таа чест да бидам цитиран неколку пати. Линк…

the place where I come from is a small town
they think so small
they use small words
-but not me
I’m smarter than that
I worked it out
I’ve been stretching my mouth
to let those big words come right out

I’ve had enough, I’m getting out
to the city, the big big city
I’ll be a big noise with all the big boys
there’s so much stuff I will own
and I will pray to a big god
as I kneel in the big church

- Big Time / Peter Gabriel

GPRS интернет со вклучени 500 Мегабајти месечно. Промотивно 600 денари месечно со вклучена картичка за пристап, редовна цена 1300 денари. Интересно за сопственици на лаптопи и PocketPC уреди кои се мобилни низ државава. Ќе биде уште подобро доколку се најде можност за релативно ефтин роуминг. Тоа би било килер-апликација за Мобимак.