jovansblog 2.0

Prema BSA glavni razlozi visoke stope piratstva su: FreeDOS ili prodaja računala s Linuxom, širokopojasni Internet ali i porast broja potrošača. BUG

Објави хак на сет-топ-бокс. И оди 15 месеци во затвор. ДРМ сакс биг тајм.

Open Source software is raising havoc throughout the software market. It is the ultimate in disruptive technology, and while to it is only 6% of estimated trillion dollars IT budgeted annually, it represents a real loss of $60 billion in annual revenues to software companies,” said Jim Johnson, Chairman, The Standish Group International, Boston, MA http://www.standishgroup.com. Извор

Сите кои го следат овој развој на настани, поврзан со објавувањето на петгодишното истражување со наслов „Trends in Open Source“ се сложуваат со еден заклучок. Единствената бројка која има логика во ова истражување е неговата цена: 1000 долари. Но не сум сигурен дека некој нормален би се сложил со оваква констатација, дека слободниот софтвер не само што не му помага на развојот на целокупниот ИТ сектор туку и му нанесува огромни загуби. Додуша знам една компанија која навистина губи од сето ова

Инаку, она што ме чуди е дека Chaos Report-ите на Стендиш со попис на пропаднати ИТ проекти се едни од најреномираните студии од овој аспект и се учат како студија на случај во скоро сите магистерски школи за менаџмент. Барем едно е јасно, Стендиш нашле начин како да заработат од слободниот софтвер.

IDC од друга страна тврди дека само Линукс (значи не целиот слободен софтвер) во САД во 2007 имал ефективен придонес кон ИТ индустријата во висина од 21 милијарда долари. Ова ми личи за многу порелевантен податок.

In Rainbows е најновиот албум на Radiohead. Тој неочекувано се појави во пред-продажба на интернет и тоа со многу интересен модел за опцијата за преземање - сами ја одредувате цената.

Бидејќи ќе биде објавен на 10-ти октомври, одлучив да почекам бидејќи не сум љубител на претплати. Но кога ќе дојде тој ден, најверојатно ќе станам среќен сопственик на нивниот нов албум.

Нормално, почнав со онаа „македонската“. Внесов 0,01 фунти. И ми ја прифати цената. Ја гледав купувачката кошничка и си мислев „зарем нивниот труд вреди помалку од продавачите на ЦД-а на пазар?“. Можеби со искривена логика (а јас би рекол баш на место), дојдов до една многу прагматична одлука.

На времето кога памтам ЦД-ата се продаваа прво по 200, па 150 и на крај 100 денари. Да вложам најмалку труд и да купам празно ЦД од продавницата под мојот влез ќе ме чини 12 денари. Одзедов 12 денари од една стотка и кога ја претворив сумата во фунти дојдов до (скоро) точно една фунта.

Дали Radiohead ја заслужиле мојата фунта (шекспировско прашање :)?

Би рекол да заради тоа што:

• многу ретко некој поштено се испонашал како нив, викаат еве го ова а ти колку мислиш дека вредиме дај ни
• историски гледано, Рејдиохед растураат. Нема причина зошто би се посомневал дека новиот албум нема да го бива, кога едно-две се фиксам на дозите кои ми ги припремија претходно
• ќе ми биде ќеиф парите да му ги дадам не на пиратот, не на државата (простете), не на некој тип со мала мал мозок и големо конто кој се нарекува „музичка индустрија“ туку на авторите. Единствениот посредник се банките, но тие поштено ја овозможија оваа електронска револуција, па на некој начин си ги заслужиле провизиите.

Единствено се надевам дека нема да ја уништат забавата со DRM. Верувам искрено дека ќе соберат многу повеќе пари отколку да одат по класичниот начин на дистрибуција.

Конечно - легална квалитетна музика за 100-ка.

Нормално дискот во ексклузивна варијанта со додаток - винил плоча е достапен за нарачка за вистинските колекционери. Обичното ЦД ќе се појави во продавници во 2 008.

Браво Рејдиохед!

(линк: Билборд, In Rainbows - официјален сајт и нарачка)

Новиот Хари Потер Ви е достапен локално, хостиран на сервер на вториот најголем провајдер во Македонија. Пиратски разбира се… Не знам што да речам. Ни се радувам (не ми се чита) ни жалам (за Сенко и друштвото, ми станаа некако одвратни со тоа интелекшуал проперти базот)…

Еее на времето во Свет Компјутера, во огласите, што се човек можеше да најде…