jovansblog 2.0

• Човекот што сакаше да биде крал (по трагедија, фарса)
• Хунѕини крилјя как да си метнех?
• Потеклото на Тата Ашаците
• Принц и принцеза наместо НАТО и ЕУ

update 1:

• Хунза-македонски односи
• Ху-ба-ба-Хунза
  

We have to unite in solidarity against the nationalistic and militaristic schizophrenia from the both side of the borders. One of the symptoms of nationalism is seing your your own nation as a victim – NO! The only victim in this kind of situation are the humanists, the people that focus on reality and social problems. The political ellites are not that antagonistic in the name and all other disputes – the Macedonian and the Greek government have a silent agreement that the disputes will never be closed. That’s the only way how Dora Bakoyanis and Antonio Milososki will remain our daily heroes, that’s the only way to keep people in the matrix, that’s the only way to keep on skipping the real problems – growing prices, social inequalities, intolerance. Believe me, for them it is much easier to point fingers and insult one at eachother, thus stimulating nationalistic sentiments among the masses. They will do everything to escape from reality. LINK (Vuna)

Министерството за љубов и Министерството за вистина ме убедија дека јас сум го сторил делото. Отидов до чешмата, ја наполнив чашата со вода и скокнав во неа. Бирократите немо ме гледаа додека го губев воздухот не борејќи се инстинктивно за мојот живот, бидејќи има само една Вистина и една Љубов. Записничарот констатираше смрт од самоубиство, а тоа де факто и де јуре беше крунски доказ дека јас сум убиец.

Почесно отворам нова категорија на блогов - идиократија.

Едит 1: Линк кон оригиналната вест

Read the rest of this entry »

A new type of video surveillance vehicle aiming to capture random Romans on a sunny afternoon? Nope.

It was the seemingly more benign Google Maps vehicle. After snapping a few photos on my Nokia N95, I was asked by a group of pensioners who was driving the offending vehicle. “Google”, I informed them. “They are filming the city, street-by-street”, I added. They just shook their heads in bafflement. LINK

.

• Consociationalism
• Consociational state
• Ethnocracy
• Consensus democracy

Бидејќи ќе биде, кај и да е. Малку проширување на речникот не ќе пречи, Бадентер 20 години не го оставивме на мира. Првиот термин ми е „најнов“. Го слушнав за прв пат пред едно десетина години на една трибина во канцеларијата на Фрчковски на Правен, а еден од говорниците беше (тогаш асистент) Ѓорѓе Иванов. Инаку притисокот за овој модел (докомплетирање на Рамковниот преку право на најмоќната партија од секој етникус да биде мандатар) е една од тајните и моќни сили кои во моменталниов „спин“ со Грција вооптшо не доаѓа до израз. Но ќе си дојде се на своето, а Вие ќе бидете побогати за неколку термини (доколку не сте ги знаеле) пред да почнат да се „верглаат“ по весниците со „откритија“ дека тоа веќе постоело во Белгија, Швајцарија, Јужна Африка…

Каков микс имаме кај нас - надреализам на меѓународно, наива на Владино и барок на најниско ниво Се што имав да кажам кажав, а за жал до сега сум во право. Па заради тоа го вклучувам тест сигналот и одбивам да долевам бензин. Еве овој пост не е за нашето име (какво освежување). За среќа никој не ја праша Македонија што е поважно… Олимпијада на ТВ или истрага за крвавите акции на Кина? Кина секако. И Клинтон оти Обама е против нас. Хех… А кога ќе се сетам на што им се смеевме на бугарите за време на социјализмот…

Искрена поддршка до народот од Тибет, луѓе кои имаат посериозна мака од нашево риалити шоу.

Значи 7000 години писменост (автоцензуриран е постерот, го нема веќе на ниеден блог). Еве неколку примери напишани од организаторите и нивните најблиски соработници:

• Но, само со овој собир, работата не е завршена. Што би кажал Тони Михајловски “ова е само ѓенерална проба“. Линк
• Грц и Влас (едина за грци и власи, големата буква е оригинално користена среде реченица -се повторува во коментарите на определени „бранители“ кај Букарски)

Браво! Не сте имале време да го прочитате Конески од илјадници томови античко-македонска литература (еве предложете 10 наслови од нашата исконска книжевност). И следниот митинг кога ќе организирате пале.. ова митинг не се чудете зошто немало скопјани, па сте морале да носите партиски војници со автобуси. Среќа КОС Сител Ви ја спаси честа.

Баш добро што го дигнаа Тодор Александров. Но сигурно ова донесе нови забуни и внатрешни превирања кај дел од „патриотите“. Биполарната бугаро-љубо-омраза проработи. Онака антички. Среќа грците се тука како архетипски непријател за сплотување на ирационалистите од сите „вери“. Фак ју нато…

• Ние сме словени.
• Исто толку сме старо-македонци колку власите, албанците, грците. А можеби и помалку. (асимилација)
• Нашето изворно потекло е од зад карпатите, се имаме доселено во 7-ми век тука.
• Немаме ексклузивно право за користење на името Македонија, но исто така и нема никој друг право на ексклузивитет.
• Нашите прозветители се Св. Кирил и Методиј, Крсте Петков Мисирков, Коста Солев Рацин, Блаже Конески
• Нашите воини се Питу Гули, Гоце Делчев, храбрите комити и партизани
• Ние никогаш не сме биле во фаланги
• Нашата држава не сака војни, не сака крв, сака евро-интеграција
• Ова е Вардарска Македонија
• Нашата држава е про-европска и про-американска
• Ќе влеземе во НАТО и ЕУ
• Ќе бидеме добри комшии со сите вклучувајќи ги и грците (на взаемен труд)
• Најверојатно за неколку дена или седмици ќе го признаеме Косово а со тоа и хегемонијата која беше вршена таму со децении, поддржана и од наши полициски сили.

Е таму лежи пола од нервозата. Како по обичај заради глупави причини и вон мојата вообичаена политика, овие постови се затворени за коментари.

Колку години еден обичен граѓанин на Скопје треба да штеди за да си купи кола која може за миг да се уништи со заскитан куршум или камен? Замислите што би било во наредна таква оргија на уништување да падне крв, односно некој да загине?Oбата горенаведени случаи, не се работеше за вклучување на сите граѓани, туку имаа јасна етноцентрична димензија - систем на обраќање со исклучивото „браќа и сестри“, наспроти инклузивното „браќа, земјаци и мили комшии“.Читав некој повик за иден „мирен“ протест, во кој граѓаните на РМ кои не се етнички Македонци прво се именуваат со погрдни називи, а потоа демек како знак на великодушност се користат и соодветните. Тоа не е начин да се постигне обединување, туку разединување дури и по прашањето за името, за кое како за ништо друго барем до неодамна имаше консензус бездруго кај сите жители на државава. — Развигор

Пример 1 (организаторот): „Циганите сакале да ги нарекуваме роми, во ред роми нека се. Шиптарите ти биле албанци, добро де, нека бидат. Атињаните се нарекуваат грци, ете нека им е. Татарите сакале да ги викаме бугари, и тоа може.“

Пример 2 (учесник на слични протести): „Имаше некоја странска кола не ми текнува која земја и како што имав камен сите стакла и ги искршив. И еден чича, од тие добрите, што се за со арно, ми вика Зашто? И го погледнав во очи и ми го виде гневот, очајот, немоќ, лудило, бес и се повлече ништо не рече.“

Пример 3 (наострен учесник на денешниот протест): „Море јас би влегол кај оној едноокиот Глигоров што се сложи на ФИРОМ и што ветуваше дека е ова само привремено решение кое остана до денес,он се започна и тие околу него сега да не навлегувам во тоа.Тие се криви за ова сега што ни се случува нас.И тоа би влегол како Рамбо ама Рамбо 3,и парче да ги направам,да им ја скршам кичмата,па после нека го викаат брат му да ги спаси хехехехе“ и „Ja bi vlegol vo grcka ambasada so 50 kila exloziv ali da znam posle deka ke me pamtat :)“

Пресметајте кој има  добивка од радикализирање и „коштуничење“?

• Грчките политичари кои ќе докажат дека тие се демократи, а ние насилници
• Луѓето кои сакаат западна Македонија да оди во Косово, а источна во Бугарија
• Српските политичари и проширување на руската интересна зона

Не присуствувајте на протестот, не придонесувајте во зголемувањето на тензиите, омразата и радикализирањето на ситуацијата. Глупост е самото мото на протестот „нема компромис“, секои преговори, секоја војна, секоја кавга неминовно завршува со компромис. Мотото е подеднакво ирационално како српското. НЕ учествувајте во глупави фотокопии, фашизмот не е природно македонски.

ЕДИТ 1: Искажувам отворена загриженост за вечерашниот настан, организаторите го немаат ниту капацитетот ниту редарска служба да се справат со масата.

ЕДИТ 2: По два недолични напади, од луѓе кои мислат дека преку ИП пакетите можат да прочитаат нечиј патриотизам (што дефинитивно покажува нешто за нивниот ментален склоп) оваа тема е затворена.

ЕДИТ 3 - Искуства во живо: „Мене само фрапантна ми беше позицијата на специјалците на АРМ, очигледно едни од ретките ФИРОМЦИ меѓу Македонците во Македонија, кои немаат чувство за национална припадност, додека секаде се ку*чат со својата патриотски настроена воинственост и мачизам, кои почнаа да навалуваат на илјадниците млади пред истата таа Амбасада, спремни да се пресметаат со нив. Само да ги потсетам истите тие Горила, кои вечерва седеа во оклопните возила од Армијата на државава која сакаат Оние кои ги бранеа да ни ја избришат, дека од  даноците што татковците на овие млади луѓе излезени вечерва, тие ги земаат астроосмките плати, за кои Вистинските Македонци се’ уште можат само да сонуваат.“

Двајцата глумци - претседателот и премиерот…. Прв пат сложни. Никој од нив нејќе да ја плати сметката… Нејќе ни да ја види… Најфер било народот да одлучи.

Почитувани господа, Вие и Вашите политички татковци одлучувавте 20 години за нас. Повелете… Соочете се со Вашата сметка и платете ја… Заедно. Но не се плашете. Оние што ќе се соберат пред Вашите домови и резиденции… Се оние Вашите… Оние кои ги хушкавте на минатите референдуми и избори да се собираат пред куќи на недолжни луѓе, да линчуваат. Прекрасна правда…

НЕ за референдум кој ќе Ве ослободи од одговорност за целата политика која Вашите партии на чело со Вас самите ја спроведувавте последните дваесет години. Јагниња жртвени ќе има. Но тоа ќе бидете Вие. Референдумот за името само ќе го зајакне национализмот и ќе ја одложи интеграцијата на нашата држава со ЕУ и НАТО. Ќе ни се случи Белград. Она на што и обајцата потајно се надевате. Уште неколку години сива зона.

НЕ за референдум на кој народот повторно ќе одлучува дека „било поарно грав да јадеме“. Не сакаме веќе грав да јадеме. Фала богу за разлика од Вас ете јас одам пешки, користам јавен превоз. Се среќавам со нормални и обични луѓе. Дел од нив имаат бугарски пасоши. Дел од нив аплицираат во сите можни амбасади да си одат. На Ваше разочарување… Голем дел од нив деновие и на мое изненадување се ЗА компромис и брза стабилизација и евроинтеграција на нашата држава.

Збоктисано им е од референдуми, говори, свети мисии. Не сите се богати, особено надвор од Скопје. Повеќето од нив/нас не ни знаат кој е излезот од решението. Но сите до еден го препознаа Вашиот популистички чекор да ја префрлите вината.

НЕ господа за референдум, решете го Вие проблемот. Сметката за Вашето владеење е испорачана. Платете си ја и ќутете. Така барем нема да се срамите и да си ја одлагате маката. Ако не ми верувате… Ги бројам деновите по изминувањето на двете недели кога Хавиер и Јап ќе дојдат во Скопје да Ве избрифираат (модерен збор). Како што рекоа Словенците пред еден месец…

Инаку да, нема ништо срамно во брзо разрешување на проблемот кој трае десетлетија. Мора да се затворат сите книги, да се погледне напред и да се зачекори. Како? Само еден господ знае… И Вие. Јас со моето излегување не планирам да Ве амнестирам.