Ментална слика: нашата инка кон иднината
05.04.2008.
Загледајте се добро во сликава, фокусирајте се во центарот и гледајте барем 30 секунди:
Потоа секој пат кога политичарите ќе се обидат да Ве излажат дека ќе ги надитриме Грците, затворете ги очите со што ќе Ви се појави сликата од грчкиот парламент и повторете си во себеси „За да влезе МК во НАТО и ЕУ овој парламент мора да ја ратификува спогодбата“. Страшни се лагите кои се шират, реалноста е сурова но никој не сака да ја соопшти. Практично имаме само две опции: Промена на име во взаемна спогодба и брз влез во НАТО и ЕУ или зачувување на името и практична забрана за влез во овие две институции - доживотно.
05.04.2008. at 12:12
Точно така.
А защо е така, това е вече съвсем друг разговор.
05.04.2008. at 19:26
Тоа е тоа. А за да се соопшти, требаат мадина, но нашите политичари се килави.
05.04.2008. at 20:38
Ако веќе е или-или, јас сум за зачувување на името и инсистирање на двојна формула. Тој парламент не е ни поважен, ни подемократски, ни повеќе во право од нашиот. А и ништо не е вечно, па ни грчката хистерија.
05.04.2008. at 20:49
Па трае неколку илјади години
Не реков дека е фер, но реалноста на меѓународните организации во кои се здружува сувереноста е таа, делегацијата на суверенитетот се ратификува во националните парламенти.
Тоа ќе се промени откако ќе се донесе новиот европски устав, но не тој што го издејствува Саркози, туку еден многу похрабар устав кој чека и ќе чека уште долго време. А до тогаш реалноста е таа.
05.04.2008. at 21:55
Јас не мислам дека сме сами во оваа борба и дека постојат други начини да ги „премислиме“ Грците. Тие од ова подалеку не можат да дофрлат, ова беше нивниот последен и најсилен адут, а секое тегавење и вадење на истата карта ќе ги турка подалеку во изолација.
Македонија треба да биде похрабра во дипломатијата. Речиси сите потези, па и повеќето грешни, се поправаат, а најлошо е да не се проба и со наведната глава да се оди на гилотина.
И не е дека Македонија е далечна од НАТО и ЕУ, ние практично сме во НАТО, а и почнуваме да живееме некој живот кој е ЕУ-оиден, иако недоволно добар, морам да се согласам. Но сепак, со правилни реформи и со помош од НАТО и ЕУ земјите, можат да се ублажат многу негативности на нашата транзиција. Со други зборови, работата не е толку страшна за да го свиткаме ‘рбетот пред грчкиот национализам. Нормално, под услов ДОМА да смогнеме 2-3 пати повеќе сили од ова летаргично живуркање кое го практикуваме.
05.04.2008. at 22:12
@Гудбајтс:
Про: Да, конечно дебатата ја отвораме - што НИЕ ќе направиме да се рефирмираме САМИТЕ за да ги постигнеме стандардите.
Контра: Ние сме исто толку во НАТО колку што е Србија во Косово. Сето тоа „скоро“ сме ваму или таму не важи ништо за главните бенефити.
Најголемата лудорија ја слушнав деновиве - „сега било поарно оти ќе сме се потпреле на сопствените инвестиции и економија, ќе сме се развиеле па потоа ќе сме влегувале“. Па КАЈ беа тие внатрешни инвестиции овие 20 години, ни требаше ова?
РЕАЛНОТО согледување на ситуацијата ќе ни помогне да изградиме РЕАЛНА стратегија каде сакаме да одиме. А слушај ми го зборот, компромис ќе има, дали за 2 месеци или 2 децении тоа е прашање на стратегија и потрошливост на генерациите.
Но имајте во предвид дека сега и Албанија ИТА пред нас.
06.04.2008. at 02:30
Еве што им смета на комшииве:
Equally problematic for the Greek side, the American diplomat’s proposal would recognise a Macedonian ethnicity and a Macedonian language, which goes to the heart of Athens’ strong objections to Skopje’s perceived efforts towards a historical expropriation of ancient Greek history with an irredentist aim.
That provision was lambasted by Pasok’s former foreign minister Theodoros Pangalos, who told parliament on March 26 that there has never been a Macedonian ethnicity or language. Neighbouring Bulgaria also rejects any notion of a “Macedonian” ethnic or linguistic identity (the majority Slavic population in Fyrom speaks a dialect of Bulgarian).
Значи, по ова што го пишуваш, ако треба да мислиме на нивниот парламент, тогаш некој ќе треба да излезе и каже, ок, дечки нема нато нема еу, или ако сакате нато еу, вие не сте македонци, ами бугари, срби, или нешто слично
06.04.2008. at 02:39
Кирил,
факт е дека по оваа состојба грците иако го имаат гласот во парламентот се свесни дека не можат да уценуваат. Она што од наша страна треба да се покаже е:
1) Трезвеност
2) Европски манири
3) Желба за ФЕР решение
Сите три карактеристики до пред некој ден ги имавме. За прв пат премиерот и претседателот се сложија за ист тип на компромис. Мора, според мојата нискост, да се продолжи по овој пат. Затворањето на дијалогот ќе биде доказ дека ние не сакаме решение, а тогаш вратите сами ќе се затворат.
За ова треба многу повеќе од протести, инаети и глупости. Треба АКАЛ, памет, достоинство, стратешки пристап и малку подлост. Она што не треба е дневна политика, и искрено не знам што ќе ни се избори. Или веќе ако запнале, ај одма нека организираат па со нови сили во нови победи.
Но да се вратиме назад, за ратификација на договорите со НАТО и ЕУ грчкиот парламент ќе мора да гласа ЗА. Уметноста на добрите политичари е како да се постигне ова. Всушност грчкото НЕ сега е само рефлексија на она НЕ што ќе се случеше наесен. А до тогаш едино што ќе се променеше е - кај нас ќе поминеа изборите и некој ќе победеше значително. Сега веќе ништо не се знае.
06.04.2008. at 04:15
Воедно, генерациски гледано - дали можете да направите елементарна споредба на односот на Грција кон нас со нашиот однос кон Косово?